116
Месяц май
Окрест стояще раки мощей твоих,/ с любовию
ту, припадающе, целуем и верно ти вопием,
блаженне: / помилуй святителя, престол твой ныне
украшающаго, / и до конца его сохрани невреди-
ма, / христолюбивым люд ем на сопротйвныя побе-
ды даруй и на враги одоление.
Приимй хвалу от раб недостойных, святителю
Исайе, / и жития сего непостоянную пучину даруй
нам немятежно прейти,/ и молитву о нас к Богу
сотвори, честно почитающих твою память,/ и
о держащих зол и ждущих нас избави, да во веки
тебе величаем.
Богородичен: Приидйте, христоименйтии лю-
дие, / в честную церковь Божия Матере / и, поклон-
шеся пречудному Ея образу и руце воздевше, от
сердца возопием: / помилуй нас, Богородице, недо-
стойных раб Твоих, и град наш, / в немже великое
Твое и многославное имя величается,/ от всех
злых свободй угодника Твоего Исайи молитвами, /
да во веки Тебе величаем, Чистая.
Светилен:
Якоже пресветлая заря светоносна,/ явйся
днесь память твоя, святителю преблаженне
Исайе, / предвозвещающи нам пресветлаго солнца
незаходймый свет,/ пречуднаго Леонтия свето-
носный праздник, / да молитвами вашими приймем
оставление грехов.
Слава, и ныне, праздника или Богородичен:
Пощади мя, Господи, пощади мя, егда прийдеши
судйти,/ и не осуди мене во огнь, ни яростию же
обличи мене, / молит Тя Дева Чистая, рождшая Тя,
Христе, / и Ангел множество со пророки, и святи-
тели, и мученики.
На хвалйтех стихиры на 4, глас 8.
Подобен: Что вас наречем:
Что тя наречем, святителю? / Ангела, яко безпло-
тен на земли пожил еси, / апостола, яко научил еси
благоверию российский концы, / мученика же, яко
Христа ради до смерти подвизался еси, / обращая
люди от тьмы нечестия/ и приводя их на пажить
Богоразумия. / Моли спастйся душам нашим.