130
Месяц май
недра Отча/ и нашу нищету посетив,/ Тем с
пророком Аввакумом зову Тих/ силе Твоей слава,
Человеколюбче.
Вместо земныя высоты, Небесную достигл еси,
благородие Димйтрие, / и ныне с праведными лики
водворяешися, / и поеши, и славший Бога, Емуже
поем:/ силе Твоей слава, Человеколюбче.
Удиви Бог всех Своих чудотворением, / яко
посла на раба твоего убийцу некоего врага и
отметника правыя нашея веры,/ нарекшегося
тезоименством твоим, / да свержет убийцу твоего с
престола царска, еже и бысть.
Царь царей и Господь господей дарова тебе
вместо земнаго царства Небесное, / рабу же твоему
и убийце даде зде злое отмщение, / во оном же веце
по лукавству сугубая мучения,/ якоже Сам, вся
ведый, весть.
Богородичен: Адамова дщи и внука Ты была
еси, Владычице,/ от негоже весь род человеч
произыде, / Ты же всех Живот породила еси,
Христа Бога нашего, / Егоже моли, да спасет души
наша,/ яко Благ и Человеколюбец.
Песнь 5
Ирмос: Ходатай Богу и человеком был еси,
Христе Боже:/ Тобою бо, Владыко, к Светоначаль-
нику, Отцу Твоему,/ от нощи неведения/приведе-
ние имамы.
Мучениче Димйтрие, яко звезда пресветлая, в
Россййстей земли возсиял еси, / Церковь Христову
светом Богоразумия озарив,/ тьму же от нея
отгнав неведения,/ просветил еси ту преславных
чудес явлением.
Имея к Богу дерзновение,/ Божественное твое
торжество, мучениче, творящия/ и честное твое
страдание верою чистою хвалящия поминай,
преблаженне, / и от бури, и бед, и напастей спа-
сай.
Ты, яко крин благоцветущ, течением крове
твоей показался еси, блаженне, / и, грозд мыслен-
ный винограда Христова, благовонием чудес
мир облагоухал еси,/ верою тя, мучениче, сла-
вящия.