136
Месяц май
Обрел еси от Христа возмездие, мудре мучени-
че, / правды венец прийм и радость некончаемую, /
и, Небеснаго селения во дворех пребывая, / держа-
ву отечества твоего поминай, мучениче Димитрие.
Егда принесени быша честньш твоя мощи,
страстотерпче Димитрие, / тогда святители, обсто-
яще одр,/ царь же, и князи, и вси россййстии
народи / восклйкнуша купно память вечную, Хри-
ста величающе.
Мученик днесь сословие, святых и праведных
души, / яко победоносца тя и сликовника пришла,
мучениче Димитрие,/ с нймиже радуяся, поеп1И
Бога в Троице, спасающаго души наша.
Богородичен: Разумевше издалеча прозорлйвы-
ма очйма, пророцы/ Тя яве провозвестйша, хотя-
щую Матерь бьгги Вседетелю и всех Владыце. / Тем
Тя поем, Всепетая Богородице, / и исповедуем, яко
войстинну сущую Богородицу.
Ин
Ирмос: Ужасеся о сем небо, / и земли удивйшася
концы,/ яко Богявйся человеком плотски/и чрево
Твое бысть пространнейшее небес. / Тем Тя, Бого-
родицу,/ Ангелов и человек чиноначалия
величают.
Тезоименйт еси, страдальче, древнему велико-
мученику Димитрию Селунскому,/ егоже убо мо-
литвами славный мученик Нестор Лия убй, / ты же
именем твоим раба твоего и убийцу зле погубил
еси.
Аще, аки клас незрел, и пожался еси телесне,
благоверне царевиче Димитрие, / но благородною
твоею душею невредим пребыл еси,/ и ныне
пребывавши в Небесных селениих, радуяся,/ и
веселйшися, поя и славословя Господа.
Во осмолетном возрасте ко Господу отшед / и со
многомучившимися мученики в радость и веселие
вшед, / радуешися с ними и веселйшися у Христа и
Бога всех,/ Егоже поя, молйся о нас.
Аще и не во мнозем времени пострадал еси, но во
едином часе,/ сию лютую и неповинную смерть
претерпел еси, страдальче Димитрие,/ сего ради
Бог введе тя в вечное веселие и некончаемую
радость.