15-й день
143
своими,/ яко дым, безвестны сотвори их./ О,
непорочныя души и крепкаго терпения его! / Того
и мы ходатая приводяще, молимся: / умоли Христа
от соблазн льстйваго избавитися нам / и спастйся
душам нашим.
И ныне, праздника.
На стиховне стихиры, глас 1.
Подобен: Небесным чином:
Преподобие отче Евфросйне, / болящим ты явй-
ся исцеление и от бесов свобождение, / и всем,
притекающим к тебе с верою, к цельбоносному
гробу твоему,/ и просящим помощи и заступле-
ния. / Ты же молитвами своими исцеление недугов
неоскудно подаеши,/ отче Богоприятне, молйт-
венниче о душах наших.
Стих: Честна пред Господем/ смерть преподоб-
ных Его.
Вне плоти и мира добродетелию быв/ и тем
житием прославив на земли/ Господа славы, отче
Богомудре,/ по достоянию от Него прославися,/
исцелений явйся Божественный источник,/ Ев-
фросйне Богоприятне, молйтвенниче о душах
наших.
Стих: Блажен муж, бояйся Господа, / в заповедех
Его восхощет зело.
Смирен и незлобив, кроток, прост, молчалив/
был еси паче человека войстинну / и, невеществен
быв в вещи,/ храм Божий явйся по достоянию,/
йже от Него прибывшая тебе дарования мйлостив-
но подавая нам,/ отче Евфросйне преподобие,
молйтвенниче о душах наших.
Слава, глас 4:
Йже во плоти, безплотных житию поревновал
еси, блаженне,/ мира отвержением евангельски
Христу последовал еси, / трудолюбно пожил еси, /
иночествующих стезю, ведущу к Небесному Цар-
ствию, показа./ Сего ради празднуя честную
память твою,/ просим у Христа Бога Небеснаго
Царствия причастником быти / молитвами твоими,
Евфросйне преподобие, отче наш.
И ныне, праздника.