182
Месяц май
О, преславнаго чудесе, / йже прежде нрав слабо-
сти являше, / ныне страдания ради / мученическим
ликом совокупляется;/ йже настоящая прези-
рали,/ ангельскими силами ужасно смотряется;/
терпением бо всякую скверну души умыв, / банею
пакибытия крове своей одеявся, / свыше восприят
чистоты осияние,/ к немуже прочее не касается
порок страстей,/ немощное бо естества паче
всякия силы явися, I ймже, Христе, спаси души
наша,/ яко Милосерд.
Стих: Насаждени в дому Господни/ во дворех
Бога нашего процветут.
О, преславнаго чудесе, / йже прежде сном доль-
них упражняяйся/ ныне с Небесными силами
Горняя празднует;/ к земным влекущаго стремле-
ния отторгся,/ Вьппняго Царствия наследник
явися;/ последний в мученицех бывый,/ первых
страдальцев равным увязеся венцем/ и равную
мзду первых делателей богатне восприя, / вседоб-
лий страдалец Христов Николай,/ течение бо
соверши веры соблюдением. / О, како подвизаея и
како пострада, / ймже, Христе, спаси души наша, /
яко Милосерд.
Слава, глас 6:
Тезоименное стяжавшаго победы имя/ страда-
нием веры ради, яже во Христа Бога,/ весело
празднественная торжествуим, вернии, / и во гла-
се хваления воспойм его, глаголюще:/ радуйся,
обновление страдальцев Христовых и похвало,/
йже собою дерзновение к терпению вдохнувый
всем;/ радуйся, яко первому в мученицех
Стефану/ каменнаго ради побиения/ подобник
светел явйвыйся./ Радуйся, яко мысленным оси-
янием Небеса отверзошася тебе/ и Сына Божия,
венец победы тебе простирающа, / умныма светло
усмотрел еси очйма. / Того прилежно моли, много-
страдальне Николае, / умирйти языческая, яже на
ны, возношения/ и спасти дунга наша.
И ныне, праздника или Богородичен: Творец и
Избавитель мой, Пречистая:
На благословении хлебов тропарь святаго, дважды и
Богородице Дево: единожды.