19-й день
239
По полиелеи седален, глас 8:
Крепкаго твоего по Бозе желания не отвлекоша,
отче Корнйлие, / ни отечества приветы, ни другов
любления,/ и пустынный глад, нужда, труды и
бдение не могоша твоего тела разслабити,/ и
пещера, мала и темна, не приведе тя во ужас и
уныние,/ но, яко адамант, и посреде пещи стра-
стей стоя,/ невредим пребыл еси,/ и нам одолети
сия помозй и молйся о нас, преподобие.
Слава, и ныне, Богородичен:
К кому прибегнем, беднии грешницы, всем
страстем повйннии людие,/ разве Тебе, Всемило-
стивая Владычице?/ Твоих бо щедрот не оскуде-
вает море,/ Твоего заступления не безмолвствует
слово, / темже всех нас помилуй, Царице, / вся ны
спаси, Богомати: / Ты бо еси избрана от всех родов
в заступление и спасение наше.
Таже степенна, 1-й антифон 4-го гласа. Проки-
мен, глас 4: Честна пред Господем / смерть препо-
добных Его. Стих: Что воздам Господеви о всех,
яже воздаде ми? Евангелие от Матфея, зачало 43.
По 50-м псалме стихира, глас 2:
Добродетели твоя, отче,/ явйша тя нам, людем
твоим:/ оставил бо еси отечество,/ да живот
вечный получйши, / в пустыню вселйвся, / в пеще-
ру темну затворился еси, / да во светлость Вышня-
го Иерусалима внйдеши;/ чистотою и
добродетельми / сподобился еси зрети несказан-
ную доброту Владычню,/ еяже и нам насытитися
моли,/ преподобие Корнйлие.
Канон преподобному, глас 8.
Песнь 1
Ирмос: Воду прошед, яко сушу, / и егинетскаго
зла избежав,/ израильтянин вопияше:/Избавите-
лю и Богу нашему пойм.
Человеколюбче Христе, / даждь ми слово воспе-
ти Твоего угодника,/ напоследок дний
явлыыагося/ и всю нашу страну житием удивйв-
шаго.