304
Месяц май
источник Израилевых. Всякое дыхание: Еванге-
лие от Иоанна, зачало 35 от полу.
По 50-м псалме стихира, глас 6:
Всяк град и страна,/ славному граду нашему
Пскову срадуйтеся,/ и псаломски руками воспле-
щите вкупе,/ духовное торжество празднующе/
благочестйваго князя Тимофея Доманта, / песньми
похвалите всечеетный день сей и рцыте, моляще-
ся: / предстани Святей Пречестней Троице, / моля-
ся за град свой, / яко жив и по преставлении, / еже
сохранйтися ему от навет вражиих/ и невоевану
быти.
Канон святому, глас 4.
Песнь 1
Ирмос: Воспою Тебе, Господи Боже мой,/ яко
извел еси люди из работы егйпетския, / покрыл же
еси колесницы фараоновы и силу.
В Царство Христово вглед, преблаженне княже
Тимофее Доманте, / возлюбив вечная паче времен-
ных,/ сего ради своему Владьще сосуд избран
показася, славне.
Благочестйваго корене державнаго князя Алек-
сандра исчадию/ благоволением Божиим сочета-
ся, / с неюже благоугодно пожив, преставльшеся, /
обретосте Христово нестареемое блаженство.
Христолюбйваго нрава никогда же отлучаяся,/
всем убогим милостивый податель был еси, бла-
женне княже Доманте,/ и сирым заступник.
Богородичен: Благодарение ново молитвы
Твоей проповедуем, Чистая, усты и духом,/ яко
Тебе ради от напастей, и тяжких печалей, / и греха
страстей вси избавляемся.
Песнь 3
Ирмос: В Господе Возе моем/ сердце мое утвер-
дйся, / тем немощствующии препоясашася силою.
Царя, всеми царствующаго Небесными и зем-
ными,/ последователь был еси, блаженне
Доманте, / не возвращся вспять, возлож руку свою
на рало веры Христовы,/ тем добре управлен
бысть в Царство Его.