78
Месяц май
Световйдно тело твое любящим являшеся,/ Ан-
гельским дориносящим чином, / блистаяся, Исидо-
ре, чудес светлостьмй/ и благодатьми чудотворе-
ния различными, обильная подававши исцеления
вопиющим:/ отроцы, благословите, священницы,
воспойте,/ людие, превозносите во вся веки.
Богородичен: Ветййстии язьщы Тя восхвалйти
не могут,/ о Богородйтельнице, Марйе Богоневе-
сто:/ Бога бо родила еси, над всеми сущаго,
Отроковице Чистая,/ от девйческия неискусоб-
рачныя утробы, / Егоже отроцы благословят, свя-
щенницы воспевают,/ людие превозносят во вся
веки.
Песнь 9
Ирмос: Ужасеся о сем Небо,/и земли удивйшася
концы, / яко Бог явйся человеком плотски/и чрево
Твое бысть пространнейшее небес. / Тем Тя, Бого-
родицу,/ Ангелов и человек чиноначалия
величают.
Богатством милосердия сошедый с Небес,/
Крест же и смерть нас ради волею претерпел еси,
яко Благ./ Сего ради Исидор, на Тя взирая,
вопияше: / соумру Тебе, да жив буду, / сраспнуся,
да царствую с Тобою.
Законно твоих кровей на земли капли излияв-
шияся, Исидоре, / на Небесех одежду тебе обагрй-
ша благолепно, исткану благодатию, / в тоже
ныне одеян, Христу предстойши, в чертозех,
преблаженне, Небесных,/ венец нося, мучениче
славне.
Яко имея дерзновение ко Христу, молйтися не
престай, Исидоре,/ от напастей, бури же, и
скорбей, и страстей избавити/ творящих память
твою достойно священную, / душевнаго же спасе-
ния прося, треблаженне, твоего жребия сподоби.
Богородичен: Яко Спаса рождшая и Избавите-
ля, / спасение мне, Отроковице, сподоби получйти,
Пречистая,/ прегрешений моих пленйцы Твоими
молитвами разрешающие / вся бо, яко хощеши, Ты
исправлявши, / яко носила еси в недрех всех Царя
благостию несравненною.