Канон молебный
ко святому праведному Иоанну
Русскому, исповеднику
Творение Даниила монаха
По благословении священника глаголем псалом
142: Господи, услыши молитву мою: Слава, и ныне:
Таже: Бог Господь: во глас 4-й со стихи и абие
тропарь святаго, глас 4.
Подобен: Скоро предвари:
О т земли призвавый тя в Небесныя обители/
соблюдает и по смерти нетленно тело твое,
праведне, / ты бо во Асйю якоже пленник взят был
еси, / идеже и Христу пожил еси, Иоанне, / Егоже
убо моли спастйся душам нашим.
Слава, глас тойже.
Подббен: К Богородице прилежно:
К о Иоанну, вернии, ныне притецем,/ сушии в
бедах и напастех, и припадем,/ благочестно
зовуще из глубины души:/ праведне, помозй нам,
твоим молитвенником, / потщися и избави належа-
щия нужды, / не презри молитвы скорбныя / прите-
кающих ко крову твоему, святе.
И ныне, Богородичен:
Не умолчим никогда, Богородице,/ силы Твоя
глаголати, недостойнии, / аще бо Ты не бы пред-
стояла молящи,/ кто бы нас избавил от толйких
бед,/ кто же бы сохранил доныне свободны?/ Не
отступим, Владычице, от Тебе,/ Твоя бо рабы
спасавши присно от всяких лютых.
И абие псалом 50-й. Таже канон на 4 без ирмосов,
глас 8.
Песнь 1. Ирмос: Воду прошед:
Припев: Святче Божий, молйся о нас.
Тяжкими удручаемь напастьми, / к тебе прости-
раю и тело, и душу, / моляся ти, преподобие отче, /
от печалей и бед мя избавити.