388
Месяц май
ревность веры восприемше, / отвергосте соедине-
ние их/ темже, претерпевше смерть и многообраз-
ныя муки,/ венцем мученическим украсйстеся.
Слава, глас 1:
Приидйте, вси собори монашествующих, / колес-
ницу Божию, тьмами и тысящами добродетелей
украшаемую/ йже во Афоне отцев, восхвалим,/
преподобный и святители,/ священномученики и
мученики/ и вся вкупе, именуемыя и безъимен-
ныя:/ сйи бо делом и словом, и многоразличным
равноангельным житием,/ и яже от Бога
дарованьми/ яко войстинну святи показашася/ и
Гору сию тезоименйту святости явйша,/ йхже и
гробы Бог чудесы и благоуханными миры просла-
ви,/ и ныне, прославлъшему их Христу предсто-
яще,/ прилежно молятся о нас,/ совершающих
память их.
И ныне, Богородичен.
Аще есть Неделя, догматик глаголем; аще же во
ин день, глаголем сей, глас тойже:
Ходатаицу Тя, Богородйтельнице, / предлагаем к
Богу, рабй Твой: / моление принеси Сыну Твоему, /
Отцу же и Духови,/ Единому всех Содетелю,
Троице Святей,/ яко да ущедрит и спасет нас/
великий ради Своей милости.
На стиховне стихиры, глас 2.
Подобен: Доме Евфрафов:
Души тричастное/ очйстивше, отцы,/ доброде-
телей троицею,/ храмы Пребожественныя/ Тро-
ицы показастеся.
Стих: Восхвалятся преподобнии во славе/ и
возрадуются на ложах своих.
Образи добродетелей,/ постничества правила,/
мерила воздержания всем, / йже в Горе сей, / отцы,
познастеся.
Стих: Воспойте Господеви песнь нову,/ хвале-
ние Его в церкви преподобных.
Благодарение вси мы/ приносим вам,/ отцы
Богоноснии,/ яко на стези спасения/ присно нас
наставляете.