420
Месяц май
НА УТРЕНИ
На Бог Господь: тропарь воскресен, дважды.
Слава: тропарь святых. И ныне: Еже от века
утаенное: По стихословиих седальны воскресны
гласа. Степенна, прокимен гласа. Всякое дыхание:
Евангелие воскресно. Воскресение Христово:
Псалом 50-й.
Слава: Молитвами святых рода болгарскаго,/
Мйлостиве, очисти/ множества согрешений
наших.
И ныне: Молитвами Богородицы: Помилуй мя,
Боже: Стихира, глас 6: Воскрес Иисус от гроба:
Канон воскресный гласа, Богородицы и Всем
святым, в Болгарии просиявшим, глас 4, егоже
краегранесие: Святых рода болгарскаго пою,
Парфений.
Песнь 1
Ирмос: Отверзу уста моя, / и наполнятся Духа, /и
слово отрыгну Царице Матери, / и явлюся, светло
торжествуя,/ и воспою, радуяся, Тоя чудеса.
Припев: Святйи рода болгарскаго, молите Бога
о нас!
Святе святых, свыше ми подаждь благодать,/
яко да по достоянию воспою святых,/ йхже от
болгар благоволил еси прийти/ во обетование
Небесных благ, воспевающих:/ Дивный, славно
творяй чудеса.
Восхотев, воздвйже Бог царя Бориса во втораго
Моисея народу болгарскому,/ вести я из Египта
идолослужения / сквозе море Крещения во обето-
вание благочестия, поющих:/ Дивный, славно
творяй чудеса.
Яти бывше мрежею Промысла Божия, Мефодий
и Кирилл со ученики, / якоже Аарон священнодей-
ствием слова же и таинств благочестия, / пропове-
даша словеном закон Синайский, паче же Сион-
ский, Господеви поющим: / Дивный, славно творяй
чудеса.
Богородичен: Твоя милости, Чистая, кто по-
весть?/ Из глубины бо зол, якоже из пучины
морскйя, многих избавлявши Твоими предстатель-
ствы, зовущих:/ Дивный, славно творяй чудеса.