500
Месяц май
В четверток утра Богородичен:
Тя, стену стяжахом, Богородице Пречистая,/ и
благоутйшное пристанище, и утверждение. / Тем-
же молюся,/ йже в житий обуреваемь:/ окорми и
спаси мя.
В пяток вечера Богородичен:
Свеще неугасимая, престоле праведный,/ Пре-
чистая Владычице, / моли спастйся душам нашим.
В субботу утра Богородичен:
Едина Чистая и Пречистая Дево,/ Яже Бога
безсеменно рождшая,/ моли спастйся душам
нашим.
Глас 5
В неделю вечера Богородичен:
Страшно, и преславно, и велие таинство:/
Невместймый во чреве вместйся/ и Мати по
рождестве паки пребысть Дева/ Бога бо роди,
из Ней воплощенна./ Тому возопийм, Тому песнь
рцем,/ со. Ангелы воспевающе: / Свят еси, Христе
Боже,/ Иже нас ради вочеловечивыйся, слава
Тебе.
В понедельник утра Богородичен:
Обрадованная, ходатайствуй Твоими молит-
вами / и испроси душам нашим множество щедрот /
и очищение многих прегрешений, молимся.
В понедельник вечера Богорбдичен:
Утолй болезни / многовоздыхающия души моей, /
утолившая веяку слезу от лица земли:/ Ты бо
человеков болезни отгониши/ и грешных скорби
разрушавши./ Тебе бо вси стяжахом надежду и
утверждение,/ Пресвятая Мати Дево.