520
Месяц май
Ублажим днесь лик богоносный,/ преподобных
Марка, Иону и преподобную Вассу,/ йже страну Псков-
скую благодатию напойвше,/ учением Христовым вся
люди просвещаху,/ и Крест спасительный, яко древо
жизни вечныя,/ в дебрех Псково-Печерских утвердй-
ша,/ и освятйша место сие труды и молитвами своими,/
темже и дом Пречйстыя зде устроиша.
Стих: Блажен муж, бояйся Господа,/ в заповедех
Его восхбщет зело.
Похвалим песньми честными/ преподобномученик
двоицу, Корнйлия и Вассиана,/ яко друзи быша даже
и до смерти,/ и Дорофея, йже образом Пречйстыя Пе-
черским/ на стране далече Ярославстей люди освяти,/
почтим и Лазаря праведна, благодати тайнника,/ йхже
молитвами, Христе, спаси души наша.
Слава, глас 1:
Земли Псковския радование,/ обители Печерския
крепкое предстательство,/ соборе святых дивный,/
ныне к вам вси прибегающе,/ молитвы приносим теп-
лый/ и любовию почитаем память вашу.
И ныне, Богорбдичен, глас тбйже: Се исполнися
Исаиино проречение:
По Ныне отпущаеши: тропарь воскресен, глас 3:
Да веселятся Небесная: Слава, святых, глас 6 (писан
на велйцей вечерни). И ныне, Богорбдичен первый, по
гласу тропаря святых.
НА ВЕЛЙЦЕЙ ВЕЧЕРНИ
На Господи, воззвах: стихиры воскресны гласа 3,
Анатолиева едина и святых на 6.
Стихиры святых.
Глас 1.
Подобен: О, дивное чудо:
Блаженна страна Псковская/ и преславна чудесы/
обитель Печерская,/ имущи вас, соборе дивный,/ отцы
наши преподббнии./ Веселйся, Пречйстыя доме,/ та-
ковыя почитая предстатели,/ йже Богородицу и Матерь
всем милосердную/ за ны умоляют присно,/ темже,
людие, возрадуемся и восхвалим// сия молитвенники
о душах наших.