во
Месяц май
Христу, от Чйстыя Девы воплощшемуся, / после-
довала еси, Евфросйние, / в девстве Тому от
юности твоей послужила еси / и многим ко спасе-
нию путь показала еси./ Сестры моя возлюблен-
ныя,? глаголала еси,/ тесен и прискорбен путь,
вводяй в живот,/ но вечно воздаяние;/ темже
подвизайтеся неленостно,/ ймате бо помогающе-
го, Самаго Подвигоположника Христа, / подающе-
го живот нетленный.
Богом избранная, Евфросйние,/ яко звезда
пресветлая, / от рода своего возсиявшая, / страну
сию просвещающая,/ о всех, к тебе усердно
притекающих, / и молитв твоих ко Господу прося-
щих, / и любовию целующих честный твой образ, /
буди молйтвенница и избави нас от всякия
скорби,/ от всякия болезни, душевныя же и
телесныя,/ верою и любовию совершающих/ па-
мять честнаго преставления твоего.
Торжество днесь преподобный Евфросйнии
празднующе, / приидйте, вернии, воспоем подвиги
и труды ей,/ восхвалим серафймскою любовию
Иисуса Сладчайшаго возлюбившую/ и Ему
усердно послужившую,/ и с верою и любовию
воззовем к ней:/ радуйся, Евфросйние всече-
стная, / красоте и похваление монащескаго чина, /
невесто Христова избранная, / со Ангелы и всеми
святыми в невечернем дни Царствия Божия
водворившаяся;/ молйся же спастйся граду тво-
ему,/ земли нашей и всем православным людем.
Слава, глас тойже:
Во святый град Иерусалим поклонйтися гробу
Господню возжелавши / и достигши земнаго Иеру-
салима, / в радости святым местом Гробу благого-
вейное поклонение воздала еси, Евфросйние,/
прося у Господа благодати, / да приймет дух твой
на месте святем; / г и услыша Господь молитву
твою,/ и посла Ангела,/ йже возвести ти о
прешествии твоем/ от земнаго Иерусалима в
Горний Иерусалим Небесный,/ идеже радостно
ликующи со девственными ликами, / поминай нас,
с любовию празднующих святую память твою.
И ныне, Богородичен: