|
|
|
|
|
|||
|
8-й день
|
217
|
||
|
|
|||
|
чесо ради обретоша ны вся злая сия?/ И где суть
вся чудеса Его,/ елйка поведаша нам отцы наши, глаголюще:/ не из Египта ли изведе нас Господь?/ И ныне отверже ны Господь и предаде ны в руку Мадиамлю./ И воззре на него Ангел Господень и рече ему:/ иди в крепости твоей сей/ и спасеши Израиля от руки Мадиамли,/ и се послах тя./ И рече к Нему Гедеон:/ во мне, Господи, в чесом спасу Израиля?/ Се тысяща моя хуждша в Манассйи,/ и аз есмь мний в дому отца моего./ И рече к нему Господь:/ понеже Аз буду с тобою,/ и избиеши Мадиама, яко мужа едйнаго./ И рече к Нему Гедеон:/ и аще обретох благодать пред очйма Твойма,/ и да сотворйши мне днесь знамение, / яко Ты глаголеши со мною. / Не отыдй отсюду, дондеже прийти мне к Тебе,/ и принесу жертву мою, / и пожру пред Тобою./ И рече к нему Ангел Господень:/ Аз есмь, и премедлю,/ дондеже обратйшиея ты./ Гедеон же внйде и сотвори козлище от коз/ и четверть муки опресноков,/ и вложи с мясом в коптницу, и юху влия в горнец, / и изнесе к Нему под дуб, и поклонйся. / И рече к нему Ангел Господень: / возми мяса и хлебы пресныя / и положи у камене онаго и юху излйй./ И сотвори тако./ И простре Ангел Господень конец жезла, сущаго в руце Его,/ и коснеся мясом и хлебом пресным,/ и возгореся, огнь из камене, и пояде мяса и опресноки,/ и Ангел Господень отыде от очей его./ И виде Гедеон, яко Ангел есть Господень,/ и рече Гедеон:/ увы мне, Господи, Господи,/ яко вйдех Ангела Господня лицем к лицу. / И рече ему Господь: / мир тебе, не бойся, не умреши./ И созда тамо Гедеон жертвенник Господу / и назва его мир Господень, / далее до дне сего. Пророчества Исаиина чтение (глава 14):
Тако глаголет Господь:/ вся земля да вопиет с веселием./ И древа Ливанова да возвеселятся о тебе,/ и кедри Ливановы рекут:/ отнележе ты уснул еси,/ не взыде секйй нас/ Ад доле огорчйся, сретив тебе, / грядущу ти, воздвйже на тя исполи- ны вся,/ начальствовавшия землею./ Аще востали быша от престол своих вси царие язычестии, / вси |
|||
|
|
|||