242
Месяц ноябрь
в нощи бед сущим/ и скорую помощь подаеши во
спасение душ наших.
Слава, и ныне, тойже.
На полиелеи величание:
Величаем Тя,/ Пресвятая Дево,/ и чтим образ
Твой святый,/ ймже точиши исцеления/ всем, с
верою притекающим.
Псалом избранный: Помяни, Господи, Давида:
По полиелеи седален, глас 8:
Благоговейно обстояще честный образ Матере
Света, / молитвы Ей яко Всеблагой Скоропослуш-
нице усердно принесем./ Сию бо Небо одушевлен-
ное человеколюбием Господь содела,/ изливая
Тою, яко дождь, дары Своя во спасение душ
наших.
Слава, и ныне, тойже.
По 50-м псалме стихира, глас 7:
Прошения исполни рабов Твоих,/ Тебе, Пре-
святая Дево, с верою призывающих./ От всякия
скорби, недугов и озлобления всех нас свободй,/
да благодарственно воспеваем Тя,/ скорую моля-
щихся Услышательницу, / подающую верным ве-
лию милость.
Канона два. Канон первый, творение преподоб-
наго Никодйма Святогорца. Глас 8.
Песнь 1
Ирмос: Воду прошед, яко сушу,/и егйпетскаго
зла избежав, / израильтянин вопияше:/ Избавите-
лю и Богу нашему пойм,
Чудес Твоих Божественных множество благо-
хвалйти предпринимая,/ Тя молю, Дево, от сердца,
Скоропослушнице, / благодать подаждь ми.
Кто не изумится Твоего образа чудесем, Дево?/
От него бо служителю трапезы возгласила еси
трижды,/ Скоропоелушница нарекшися.
Како чудо деяние Твое изрещй возмогу,
Отроковице?/ Ты бо прежде непокорнаго йнока
безочна соделала еси/ и паки сего устроила еси
вйдяща.
Радуйся, священная обитель Дохиарская:/ ты
бо ймаши всех Госпожу Предстательницу и
покров,/ якоже Сама Она ясно возвести.