11-й день
337
По 50-м псалме стихира, глас 6:
Преподобие отче, / во всю землю изыде вещание
исправлений твоих,/ темже на Небесех обрел еси
мзду трудов^ твоих,/ демонския разорил еси
полчища / и Ангельский достйгл еси чины, / йхже
житию непорочно поревновал еси;/ дерзновение
имеяй ко Христу Богу,/ мир испроси душам
нашим.
Канон преподббнаго на 8, глас 8.
Песнь 1
Ирмос: Воду прошед, яко сушу,/и егйлетскаго
зла избежав,/ израильтянин вопияше:/ Избавите-
лю и Богу нашему пойм,
Благими нравы украсився,/ Христу прилепил-
ся еси от юности,/ плотскйя страсти умертвив
воздержанием, / и к Животу, преподобие, преста-
вился еси.
Глаголов и законов Божиих исполнитель быв, /
исполнился еси, отче премудре, Божественных
даров/ и чудес всем лучи богатно испустил еси.
Крепостию Христа возмог, / державу же и силу
вражию низложил еси/ и похвалу победныя
почести, преподобие, чудесными сиянии улучил
еси.
Совесть имел еси благу, / око сердечное, взира-
ющее к Богу, / темже внят молитве твоей, премуд-
ре, / и с преподобными сочета тя, Богоблаженне.
Богородичен: Страсти плоти моей / и ума моего
двизания неподобная утолй, / молю Тя, Пречистая
Дево,/ и исправи мя, заблуждшаго умом.
Катавасия: Отверзу уста моя:
Песнь 3
Ирмос: Ты еси утверждение/ притекающих к
Тебе, Господи,/ Ты еси свет омраченных,/и поет
Тя дух мой.
Весь прилежа Вседержителю, преподобие отче
премудре,/ всея бесовския злобы избегл еси/
досточудным водворением в непроходимая.
Высотою смирения украшаем,/ свергл еси на
землю велехвальнаго горделивца плоти своей/
Божественными веленьми и добрыми делы твоими.