352
Месяц ноябрь
породйх крещением,/ воспитах же млеком
благочестия/ и мученики соделах истинны:/ да
молятся о вселенней ко Господу.
Ина стихира, глас 6,
из канона молебнаго, по Евангелии:
Днесь западная страна веселится,/ мощмй тво-
ими красящися, / и мы, рабй твой, сия объемлюще, /
от души вопием ти: / угодниче Христов и предста-
телю теплый Стефане, / не премолчй о нас, моляся
ко Господу.
Канон Богородицы на 6, гласа 2-го, и святаго 2
канона на 8.
Канон святаго,
егоже краегранесие:
Новому мученику нову приношу дара песнь.
Глас 1.
Песнь 1
Ирмос: Твоя победительная десница/ Боголеп-
но в крепости прославися./ Та бо, Безсмертне,/
яко всемогущая противныя сотре, I израилътяном
путь глубины новосоделавшая.
Новоявленна, яко солнце,/ изнесе тя западная
страна зарями светолучными, Стефане,/ концы
осиявающа и тайно просвещающа/ Господеви
победную песнь поющих.
Очи стяжав умныя лишением чувственных,/ и
ныне зрйши ясно, яже око не виде, по апостолу, / и
на сердце человеку не взыдоша, / яже тебе даде
Христос, Того возлюблынему.
Войстинну,? рече Соломон,? память правед-
наго с похвалами: / се бо ныне собрашася различ-
ных язык родове, / хвалами венчавающе Стефанов
верх нетленный.
Очистив ум и сердце / и душу свободну соделав,
славне, / был еси сосуд избранный, достоин Божия
посещения./ Темже и, пришед, Христос / с Отцем и
Духом обитель в тебе сотвори.
Богородичен: Гора высока, юже виде Даниил, /
от неяже камень отсечеся, мужеских рук кроме,/
Тебе прообразова, Богородице./ Без мужа бо нам
плотию породила еси Еммануила.