74
Месяц ноябрь
Ины стихиры мученика, глас 2.
Подобен: Егда от Древа:
Звание тезоименное/ прием от Божественнаго
Промысла,/ сие вещмй, отче, знаменав, утвердил
еси: / ратных бо множества и собор мучителей / в
терпении твоем победил еси./ Тем венец победы
прием,/ верою взывал еси:/ слава непобедимей
державе Твоей, Человеке любче.
Мира благовоннейшая/ нам врачеваний исто-
чавши днесь, Никандре, / в Божественней памяти
твоей,/ и отгониши, мудре, мглу скорбей/ и
страсти телесныя,/ и богатыя благодати
исполнявши/ собор всех, вопиющих Христу:/ Ты
еси неистощенное миро,/ благоухающее поющия
Тя.
Имея дерзновение ко Христу,/ прославляемому
единому во святых Его,/ Того моли, преподобие
Никандре,/ о всех, любовию совершающих твою
память/ и восхваляющих твоя исправления,/ яко
да неизреченных оных благ и нетленныя славы/
общницы будем благодатию.
Слава, глас 6:
Преподобие отче, / во всю землю изыде вещание
исправлений твоих,/ тем на Небесех обрел еси
мзду трудов твоих./ Демонския погубил еси
полки/ и Ангельския достйгл еси чины,/ ихже
житию без порока поревновал еси,/ дерзновение
имея ко Христу Богу, / мир испроси душам нашим.
И ныне, Богородичен или Крестобогородичен.
Подобен: Тридневен:
Вйдящи Тя распинаема, Христе,/ Тебе
Рождшая вопияше:/ что странное, еже вижу,
таинство, Сыне Мой?/ Како на Древе умиравши,
плотию повешен,/ Жизни Подателю?
На стиховне Октоиха. Слава, глас 8.
Монахов множества/ наставника тя почитаем,
отче наш Иоаннйкие, / твоею бо стезею войстинну
право ходйти познахом./ Блажен, еси, Христу
работав,/ и вражию обличил еси силу,/ Ангелов
собеседниче, преподобных сопричастниче и
праведных:/ с нимиже молйся Господу / помйлова-
тися душам нашим.