76
Месяц ноябрь
Богородичен: Падших воззвание и стоящих
укрепление сущи, Всенепорбчная, / тем молюся
Тебе: / падший мой ум грехом исправи, Владычице,
яко да славлю Тя.
Канон мучеников, глас 4.
Песнь 1
Ирмос: Лйцы израильтестии / невлажными
стопами/ понт* Чермный и влажную глубину
прогнавше, / всадники тристаты **, враги вйдяще
в ней погружены,/ с веселием пояху:/ пойм Богу
напгему, яко прославися.
Честный праздник честных страдалец
евященномучеников, / священную память днесь
священными песнопеньми/ ныне Священнейшая
Христова Церковь, священнолепно совершающи, /
песньми украшается, сия почитающи.
Честною помазан мастию священничества вер-
но, священноначальниче Никандре, / честнейшу
сию от кровей твоих обагреньми соделал еси, в
радости зовя: / воспойм Богу нашему, яко просла-
вися.
Путь мучения текуще, / веселие истинное в нем
яве показующе, / обогатйстеся благодатию чудес и
дарований Небесных, мученицы,/ согласно
вопиюще: / воспойм Богу напгему, яко прославися.
Богородичен: Неописанный в недрех Отече-
ских,/ в недрех Матерних плотски Христос
описуется, / по рождестве Сию истинно Деву паче
ума сохранив,/ Емуже велегласно вопием:/ воспо-
йм Богу нашему, яко прославися.
Песнь 3
Ирмос: Твоя песнослбвцы, Богородице, / живый
и незавйстный источниче,/ лик себе совокупль-
шия духовно утверди,/ в Божественней Твоей
славе/ венцев славы сподбби.
Текущая пребывающими изменил еси,/ смыс-
ленно прием твой крест, Иоаннйкие, / и на невос-
ходймыя горы, яко Илия великий, возшед, пребыл
еси.
*  понт ? море
*  тристаты?всадники египетские, военачальники