154
Месяц октябрь
борения, и мужественное страдание,/ великому-
ченице радостотезоименйтая.
Богородичен:
Свет нам возсия из утробы неискусобрачныя
Твоея: Дево, / Егоже сияньми озарйвшися
Божественно, /          свет          бысть          радости,
тезоименитая, / Богородительнице Неискусобрач-
ная.
Преподобных отец наших Дамиана пресвитера,
Матфея и Иеремии прозорливых,
в Ближних пещерах почивающих
НА ВЕЧЕРНИ
На Господи, воззвах; стихиры на 6, глас 4.
Подобен: Яко добля:
Одержима мя болезньми душевными и
телесными, / елеем милости твоея, / яко помазание
имый священное свыше,/ Дамиане преподобие,/
скоро исцели вопиюща к тебе от сердца,/ и
молитвами теплыми к Богу/ даждь смирение
сердцу моему,/ согнившияся же души моея стру-
пы очисти,/ да чистыми устнами принесу Богу
хваление,/ прославляющемуся во святых Своих.
Духа Пресвятаго благодатию/ озарив свою
душу, Иеремйе прехвальне,/ приял еси дар от
Бога/ будущая, яко настоящая, провозвещати,/
и, древнему подобяся пророку,/ неложне вся
предсказовал еси,/ и провидел еси тайны челове-
ческаго сердца, / озарением твоим и наша сердца
просвети/ и испроси от Христа Бога велию
милость.
Матфею, Слова Божия провозвестнику,/ пос-
ледовал еси чудне, / якоже бо той ефибпския
непокаряющияся люди/ дерзновенно обличаше,/
тако и ты, блаженне, / подземных лукавых
ефиопов/ посрамил еси хитроплетенныя козни./
И ныне молим тя, отче,/ мысленне очерняющия
умы наша/ бесовския полки проженй,/ и избави
от бед души наша.