19-й день
471
Богу;/ не презрит бо вас, припадающих,
Владыка,/ но излиет щедроты и милость/ и
удовлйт* богатно наша прошения.
Тропарь, глас 4: Воинством святых:
(зри на велицей вечерни)
НА ВЕЛИЦЕЙ ВЕЧЕРНИ
На Господи, воззвах: стихиры на 8, глас 4.
Подобен: Званый свыше:
Страстотерпче дбблий,/ великий мучениче
Уаре славный,/ просветйвся желанием Божиим,/
на муки мужески дерзнул еси, / Христа исповедал
пред нечестивыми мучители,/ от нйхже раны и
терзания горькая/ сладце приял еси,/ медом
любве Божия исполнь,/ подвиг совершил еси,/
Владыку всех моли/ спасти и просветйти души
наша.
Славнаго тя мученика/ прият Клеопатра
дивная,/ во своя относит, радуяся,/ и во гробех
полагает древних/ честне и со упованием,/ ты
же, пречудный,/ всем, лежащим окрест тебе,/
прощение и избавления испросил еси/ непросве-
щенным и неверным,/ темже восприимй и от нас
приношение/ и умоли Христа Бога всяческих/
ущедрити наша сродники,/ веры и Крещения не
достигший,/ помйловати оных и спасти души
наша.
Егда смутйся Клеопатра,/ плакаше, мятущися
и жалеющи,/ на тя приражашеся ** и ропташе,
мучениче, глаголюще:/ почто взял еси сына
моего,/ чим еще не удовлеях тя,/ возлюбих бо тя,
и искупих, и во своя принесох,/ и погребох, и в
церкви днесь положих тебе,/ юже воздвигох ти
потщательне,/ ты же радость мою отъял еси,/
прочее *** откуду возвеселюся / и како возопию
ти,/ моли Христа Бога о спасении душ наших.
Иже скорый на помощь/ не презирает
печальную,/ является и сына приносит к ней,/
суща во славе и светлости./ Векую укоряеши
мя,? глаголаше,? / егда забых и озлббих тя,/
сотворих бо ти возмездие,/ даровах от Господа
* удовлйт?удовлетворит.
** приражашеся ? восставала, противилась.
*** прочее ? впредь, потом, на будущее время.