МЕСЯЦА ОКТЯБРЯ В 23-Й ДЕНЬ
Святаго апостола Иакова, брата Божия
На Господи, воззвах: стихиры на 6, глас 4.
Подобен: Дал еси знамение:
Приидите, память Богобрата почтим священ-
но, о Богомудрии./ Иго бо взем Христово
усердно,/ Евангелия благости Его и Царствия
проповедник показался,/ и Того неизреченное
строение уверяет./ Темже им, Всесильне, очище-
ние нам даруй.
Вся огласи вселенныя концы глагол твоих
вещание,/ имиже просвещаемся добродетелей
Божественная ко всякому виду/ и наставляеми
верно Святыя Троицы к познанию./ Тем молим
тя яко иерарха:/ молися Иисусу Человеколюбцу
спасти души наша.
Издалеча прозря твое жительство, Иакове,/
брата тя прия Христос Человеколюбец, премуд-
рый провидец,/ Иерусалима священноявленника
верна/ и пастыреначальника поставляет,/ и та-
йнника неизреченная священно действующ а
таинства./ Егоже и ныне моли спастися душам
нашим.
Слава, глас 6. Самогласен:
Кровию мучения священство украсил еси,
священномучениче апостоле: / на криле бо святи-
лища представ,/ Бога Слова проповедал еси,
Творца суща всего./ Тем от иудей свержен,/
Небесных чертогов сподобился еси, Богобрате