27-й день
691
Безневестная,/ и мы славословим неизследован-
но Рождество Твое,/ Богородице Дево, моли
спастися душам нашим.
На стиховне стихиры, глас 2.
Подобен: Доме Евфрафов:
Дом чистоты, досточудне Андрее, был еси,/
пищи многия телеснаго добролюбия/ от младен-
ства возненавидев,/ будущия ради жизни.
Стих: Праведник, яко финике, процветет / и яко
кедр, иже в Ливане, умножится.
Дом Духа Святаго был еси,/ святе княже
Андрее,/ дом бо родителей оставив,/ жилища
Небесная получил еси,/ идеже со Ангелы ликов-
ствуеши.
Стих: Насаждени в дому Господни,/ во дворех
Бога нашего процветут.
Дом Христова благодаяния, Богодухновенне,
был еси,/ богатство бо сокровенно в души имел
еси./ Сего ради лучи светлыя благодати/ возеи-
яваеши душам нашим.
Слава, глас 5:
Приклонил еси главу твою / от юности твоей к
Божественному званию,/ преблаженне княже
Андрее,/ и, взем крест, последовал еси Христу:/
расторгнув сети вражия / и поправ всю гордыню
его,/ разум прав стяжал еси,/ посреде же молв
живый/ и с дольними ходяй плотию,/ духом
всегда Горняя видети желал еси/ и скоро вос-
текл еси к венцу вышняго звания:/ моли спасти-
ся душам нашим.
И ныне, Богородичен:
Блажим Тя, Богородице Дево,/ и славим Тя
вернии по долгу:/ град непоколебимый, стену
необоримую,/ твердую Предстательницу и
Помощницу,/ и прибежище душ наших.
Таже Ныне отпущаеши: Трисвятое, и по Отче наш:
тропари святаго, писаны на благословении хлебов.
НА ВЕЛИЦЕЙ ВЕЧЕРНИ
Блажен муж: первый антифон.
На Господи, воззвах: поем стихов 8, глас 1.
Подобен: Небесных чинов радование:
Райския доброты ематряя,/ земныя доброты
возгнушался еси,/ блаженне              Андрее, / воз-