МЕСЯЦА ОКТЯБРЯ В 28-Й ДЕНЬ
Святыя великомученицы Параскевы,
нареченных Пятницы
НА ВЕЧЕРНИ
На Господи, воззвах: стихиры на б: и на утрени канон
преподобный на 6. Аще ли настоятель изволит пети полиелей,
тогда поем: Блажен муж: 1 антифон. На Господи, воззвах:
стихиры на 8, глас 4.
Подобен: Дал еси знамение:
Рим тя предлагает,/ яко оград, цветы
благовонныя, / Параскево многострадальная, /
верных смыслы облаговонствуя / вонями
добродетельными,/ и смрад страстный отгоняя,/
благодатию, славная, всегда,/ мучеников
доброта,/ дев похваление и чудес пучина.
Яко слава многоценна всем дастся/ от Христа
Бога нашего,/ в Риме пострадавши/ и в нем
бывши, славная мученице,/ демонская лукав-
ствия от человек отгоняющи/ заступлением
твоим./ Тем тя вси блажим/ и святыя твоя
страсти днесь похваляем, / Параскево многостра-
дальная.
Соблюдаема силою Христовою,/ всеславная
Параскево,/ болезней телесных небрегла еси,/ к
подвигом вместйлася еси,/ мужеским смыслом/
женскую слабость отвергши,/ упованием
укрепйвшися, / вое прияла же еси с
первенствующими/ озарение, прехвальная.
Вернии, сошедшеся, / хваляще тя любовию, /
блажим подвиги твоя и страсти, мученице