742
Месяц октябрь
И ныне, Богородичен, глас тойже: Кто Тебе: Вход, прокимен
дне, и чтения 3 святительская (зри страницы 135?138).
На литии стихиры, глас 7:
Отче Димйтрие, / иерарше великий, Россий-
ское светило,/ приими похвалы, от усердия на-
шего тебе по силе приносймыя,/ и буди теплый
предстатель/ и молитвенник о душах наших.
Отче Димйтрие,/ мечу на еретйчествующих
обоюду острый,/ отсецы от Христовы Церкве
суемудренныя плевелы / и сохрани ю непорочну и
чйсту,/ да в безопасном ея пристанище/ убегнем
от козней губителя древняго.
Слава, глас тойже:
Святителю Димйтрие,/ моли Человеколюбца
Бога,/ да избавит нас от всяких бед и напастей,/
и да дарует нам Живот вечный.
И ныне, глас тойже:
Богородице Дево,/ упование христиан,/ пок-
рый и соблюди нас Твоими к Сыну Твоему и Богу
молитвами/ от всякия нужды и печали.
На стиховне стихиры, глас 8:
Приидйте, Российский Церкве сьгаове, /
приидйте, у блажим учителя нашего, / иже в жизни
своей нас наставляя,/ по смерти же назирая,/
печется яко пастырь добрый о душах наших.
Стих: Уста моя возглаголют премудрость/ и
поучение сердца моего разум.
Богодухновенный орган Всесвятаго Духа,/ об-
личитель суемудренных расколов,/ великий свя-
титель Димитрий,/ источающий струю благодати
Божия от многоцелебных мощей своих, / ходатай-
ствует непрестанно и молится Богу о душах
наших.
Стих: Праведник, яко финике, процветет,/ и
яко кедр, иже в Ливане, умножится.
Твое заступление получивше, святителю
Димйтрие,/ благодарни есмы душею и сердцами
и молим тя усердно:/ подкрепи нашу веру к Богу
и настав и нас на стезю Его заповедей,/ да
Богоугодно поживше в веце сем, наследуем бла-
женство праведных.