788
Месяц октябрь
шу мою ублажи/ и благ Небесных причастника
сотвори.
На Литургии: прокимен, глас 7: Честна пред Господем
смерть преподобных Его. Стих: Что воздам Господеви о
всех, яже воздаде ми. Апостол к Галатом, зачало 213.
Аллилуйя, глас 6: Блажен муж: Стих: Сильно на земли
будет семя его. Евангелие от Матфея, зачало 43. Причастен:
В память вечную:
Преподобнаго отца нашего
Авраамия Ростовскаго, чудотворца
НА МАЛОЙ ВЕЧЕРНИ
Стихиры на 4, Самогласны, глас 4:
Верою и любовию, празднолюбцы, сошед-
шеся,/ псалмы и песньми восхвалим днесь/ Не-
беснаго человека и земнаго Ангела,/ к немуже
возопийм:/ о всеблаженне и преподобие, постни-
ков похвало!/ о нас молйся ко Господу,/ Авра-
амие, отче наш,/ помйловатися душам нашим.
Честный и светоносный, преподобие, твой
праздник/ исполнен радости и веселия
духовнаго./ Темже сошедшеся монахов
множества/ и христоименйтии людие,/ любовию
восхваляюще,/ блажим Божественная деяния
твоя/ яко бо крин во удолии процвел еси/ и
благовониши душевная наша чувства,/ Авра-
амие, отче наш,/ моли спастйся душам нашим.
Яко уязвйлся еси желанием Божественным,/
преподобие отче наш Авраамие,/ взем бо крест
твой,/ последовал еси Владыце Христу./ Тогда
вся плотская мудрования умертвил еси/ и насле-
довал еси войстинну кротких землю,/ причасти-
ем обожаемь,/ неизреченнаго онаго веселия
наслаждался, / поминай нас, творящих всесвятую
и пречестную твою память.
Слава, глас 8:
Преподобие и Богоблаженне отче наш
Авраамие,/ войстинну сподобился еси Боже-
ственный жизни,/ постом бо и бдением изнурил