29-й день
795
конца погйбнути,/ да Твоими молитвами от бед
сохраняемся,/ на Тя бо упование с Богом, Бого-
родице, возложйхом.
По полиелеи седален, глас 5:
Апостолов ревнитель быв, преподобие,/ сего
ради и Богослову беседовати сподобился еси/ и,
сего жезл прийм, Велеса разрушил еси/ и того
козни до конца искоренил еси,/ и неверныя ко
Христове вере привел еси./ Ныне же Христа
Бога моли о чтущих память твою,/ даровати нам
мир и велию милость.
Слава, и ныне, Богородичен:
Хранйтелище неложное Содетеля нашего,
Владычице Богородице,/ сохрани град и люди,
имя Твое святое славящия,/ и покрый покровом
милости Твоей:/ Тя бо теплу Предстательницу
имамы/ ко из Тебе рождшемуся Христу, Богу
нашему,/ да Твоими молитвами спасет души
наша.
Степенна, 1-й антифон, 4-го гласа.
Прокимен: Честна пред Господем смерть преподобных
Его. Стих: Что воздам Господеви о всех, яже воздаде ми.
Всякое дыхание: Евангелие, Матфея, зачало 43.
По 50-м псалме стихира, глас 8:
Приидйте, монахов множества, / приидйте, пу-
стынное воспитание, / приидйте и лик составим, /
днесь бо трапеза поставляется/ и паче благовон-
ных аромат/ облагоухает нам память преблажен-
наго Авраамия./ Приидйте, стецемся к пре-
подобному,/ обильно нам источник чудес
источающему,/ и любезно целуем икону его, и к
нему возопийм:/ отче Авраамие, / твоими молит-
вами проси нам у Христа/ мира и велия милости.
Канон Богородицы на 6
и преподобнаго на 8. Глас 1.
Песнь 1
Ирмос: Горькия работы избавлься Израиль,/ непрохо-
димое пройде, яко сушу,/ врага зря потопляема,/ песнь
яко Благодетелю поет Богу, чудодеющему мышцею
высокою,/ яко прославися.
Лютыми страстьмй побеждаем есмь, ока-
янный,/ и сего ради молю Тя, Христе Боже, от
сих избавити мя,/ яко да по достоянию возмогу