152
Месяц сентябрь
начало: Бысть во дни Ирода, царя Иудейска: Конец:
Призре отъяти поношение мое в человецех.
По 50-м псалме стихира, глас 1:
Глаголанное от Господа к Девице бысть: (зри стра-
ницу 146).
Канон Богородице со ирмосом на 6 и пророку на 4.
И святей на 4, глас 8.
Песнь 1
Ирмос: Сокрушившему брани мышцею Своею/ и про-
ведшему Израиля сквозе Чермное море,/ пойм Ему,
яко Избавителю нашему Богу,// яко прославися.
Истинную любовь имела еси к Богу, боголюбйвая
Елисавето, заповеди Его хранящи./ Сей бо истинно
любит Бога, иже заповеди Его соблюдает,/ боголюбй-
вую убо тя хвалами возвеличим.
Благодатию спасени, добродетельми угождати имамы
Богу,/ якоже и Елисаветь во всех заповедех Господних
ходи без порока,/ юже достойно песньми да ублажим.
Действуяй вся во всех, Боже,/ и в блаженной Ели-
савети всесильную милость Твою являл еси:/ о всех
делех Твоих благодарение Тебе приносим.
Богорбдичен: Исаака Сарра рождши неплоды, радова-
шеся:/ Тебе, Девствующей и рождшей Господа Иисуса,/
паче радоватися подобает, Пречистая.
Катавасия: Крест начертав:
Песнь 3
Ирмос: Утвердйся сердце мое в Господе,/ вознесеся
рог мой в Бозе моем,/ разширйшася на враги моя уста
моя,// возвеселйхся о спасении Твоем.
Праведну тя с Захарием, блаженная Елисавето, Дух
Святый в Писании нарече:/ беста праведна пред Богом,
глаголя./ Мессия же Правда нам есть от Бога, Мессйею
убо оправдана была еси./ Кто похвальными песньми
тя не возвеличит?
Не оправдйтся пред Гбсподем всяк живый,/ ты же
праведна была еси, приснопамятная Елисавето;/
Господь Иисус освящение всем есть,/ святу тя да вос-
хваляет всяк.