МЕСЯЦА СЕНТЯБРЯ В 6-й ДЕНЬ
Воспоминание бывшаго чудесе в Колоееаех,
еже есть в Хонех, от Архистратига Михаила.
И святаго мученика Евдоксйя
и иже с ним пострадавших.
И преподобнаго отца нашего Архйппа
ВЕЧЕР
По обычном стихословии, на Господи, воззвах: сти-
хиры на 6, глас 4.
Подобен: Яко добля:
рисблнечнаго Божества предстатель светлей-
ший,/ Михаиле являяся Архистратйже,/ с гор-
ними Силами зовеши, радуяся:/ Свят еси, Отче,/
Свят еси, Собезначальное Слово,/ Свят еси и
Святый Душе,/ Едина слава,/ Едино царство и есте-
ство,// Едино Божество и сила.
И вид твой огнен,/ и доброта чудна,/ Михаиле Перво-
ангеле,/ невещественным бо естеством прехбдиши
концы,/ исполняя повеления всех Творца,/ силен в кре-
пости твоей познаваемь/ и источник исцелений/ храм
твой соделовая,// званием твоим святым почитаемый.
Творяй Ангелы Твоя, якоже писася, духи/ и служа-
щия Тебе пламень огненный,/ посреде чинов первенст-
вующа/ показал еси, Господи,/ Твоих архангельских/
Михаила Архистратига,/ Твоим мановением пови-
нующася, Слове,/ и песнь Трисвятую/^ со страхом
возглашающа славе Твоей.
Слава, глас 6. Самогласен. Византйево:
Срадуйтеся нам, вся ангельская чиноначалия,/ перво-
стоятель бо ваш и наш предстатель,/ великий Архистра-
тиг,/ в днешний день в честнем его храме,/ преславно
являяся, освящает./ Темже, по долгу воспевающе,