208
Месяц сентябрь
да разумеем кротость его,/ и искусим беззлобство его,
смертию безобразною осудим его, будет бо посеще-
ние от словес его./ Сия помыслиша и прельстйшася:
ослепи бо я злоба их,/ и не разумеша тайн Ббжиих и
не разсудйша, яко Ты еси Бог Един,/ живота имеяй
и смерти власть, и спасаяй во время скорби, и избав-
ляли от всякаго зла./ Щедр, и милостив, и даяй пре-
подобным Своим благодать, и Своею мышцею гордым
противляяйся.
На стиховне стихиры святаго, глас 2.
Подобен: Доме Евфрафов:
Дом Духа Святаго/ и Православия утверждение,/
святителей похвало,/ совершенный верою,// Иоанне
прехвальне, Христу Богу.
Стих: Священницы Твой облекутся правдою,// и пре-
подобнии Твой возрадуются.
Дом Премудрости Божия,/ Еяже присно/ наслаждаем-
ся, славне,/ и веры истинный учителю,/ еси, блаженне,
ко Господу.
Стих: Блажен муж, бояйся Господа,// в заповедех Его
восхбщет зело.
Дом нескудныя благодати,/ и град крепкий,/ и на
враги победа,/ возвыси рог православных христиан/
молитвами твоими ко Господу.
Слава, глас 6:
Чистое житие твое похваляем,/ пречестнейший отче
Иоанне блаженне:/ сосуд избранный Божий,/ муж же-
ланий духовных/ и Духа Святаго был еси обйтелище;/
духи же нечистыя поправ, сих без вести сотворил
еси,/ и по преставлении твоем к Богу, яко жив, яв-
лялся/ и о полезных наказуя./ И ныне, предстоя Святей
Троице, молйся/ мир миру даровати/ и душам нашим
велию милость.
И ныне, предпразднства, глас 4: Всемирная радость:
(зри страницы 191-192).
Тропарь святаго дважды. Богородице, Дево: едино-
жды. Аще несть бдения, тропарь святаго. Слава, и ныне,
предпразднства (зри страницу 192).