|
|||
236
|
Месяц сентябрь
|
||
|
|||
Стих: Слыши, Дщи, и виждь,// и приклони ухо Твое.
Ангеловым проречением/ плод пречист от Иоакйма
и Анны, праведников,/ днесь произыде Дева,/ небо и престол Божий,/ и приятелище Чистоты,/ радость про- возвещающи всему миру,/ живота нашего Ходатаица,/ клятвы отъятие, благословения подание./ Тем в рожде- стве Твоем, Дево Богозванная,/ миру мир испроси// и душам нашим велию милость. Стих: Лицу Твоему помолятся// богатии людстии.
Неплоды безчадная Анна/ днесь руками да воспле-
щет светло,/ да светлоносят земная, царие да играют,/ святйтелие во благословениих да веселятся,/ да празд- нует весь мир:/ се бо Царица и непорочная Невеста Отча/ от кбрене Иессеева прозябе./ Ктому жены в пе- чалех не родят чад:/ Радость бо процвете, и Живот всем человеком в мире жительствует./ И ктому дары Иоакй- мовы не возвращаются,/ рыдание бо Анны в радость преложйся:/ срадуйтеся мне, глагблющи, весь избран- ный Израиль,/ се бо даде ми Господь одушевленную палату/ Божественныя славы Его,/ во общее веселие и радость// и спасение душ наших. Слава, и ныне, глас 8. Сергия Патриарха:
Приидйте, вси вернии, к Деве тецем:/ се бо ражда- ется Яже прежде чрева предвиденная Бога нашего Мати,/ девства сосуд, Ааронов прозябший жезл от кбрене Иессеева,/ пророческое проповедание/ и пра- ведных Иоакйма и Анны прозябение./ Раждается убо, и мир с Нею обновляется./ Раждается, и Церковь во свое благолепие украшается./ Храм святый, Божества приятелище,/ девственный сосуд, царский чертог,/ в немже преславное неизреченнаго соединения со- шедшихся во Христе естеств/ совершенное содеяся таинство./ Емуже покланяющеся,// воспеваем Девы Всенепорочныя рождество. На благословении хлебов тропарь, глас 4:
Р
ождество Твое, Богородице Дево,/ радость возвести
всей вселенней:/ из Тебе бо возсия Солнце Правды, Христос Бог наш,/ и, разрушив клятву, даде благо- словение,// и, упразднив смерть, дарова нам живот вечный. Трижды. |
|||
|
|||