332
Месяц сентябрь
Иоакймовы не возвращаются,/ рыдание бо Анны в
радость преложйся:/ срадуйтеся мне, глаголющи,
весь избранный Израиль,/ се бо даде ми Господь оду-
шевленную палату/ Божественный славы Его,/ во
общее веселие и радость// и спасение душ наших.
Тропарь преподобныя, глас 8:
В тебе, мати, известно спасеся еже по образу:/ при-
ймши бо крест, последовала еси Христу/ и, деющи,
учила еси презирати убо плоть, преходит бо,/ приле-
жати же о души, вещи безсмертней;/ темже и со Ангелы
срадуется, преподобная Феодбро, дух твой.
Слава, и ныне, праздника.
НА УТРЕНИ
На Бог Господь: тропарь праздника дважды. Слава,
святыя. И ныне, праздника.
По 1-м стихословии седален, глас 1.
Подобен: Камени запечатану:
Рбждшися преславно от неплодных ложесн,/ от дев-
ственных чресл родила еси паче естества:/ красен бо
явльшися стебль, израстйла еси миру Жизнь./ Сего
ради Силы Небесныя вопиют Тебе, Богородице:/ слава
происхождению Твоему, Чистая,/ слава рождеству
Твоему,/ слава девству Твоему, Мати Безневестная.
Слава, и ныне, тойже.
По 2-м стихословии седален, глас 4.
Подобен: Явился еси:
Лучи возсияша всемирный радости/ рождества
Твоего, Дево Мати Марйе, на земли/ и озарйша мысли
любовию поющих Тя.
Слава, и ныне, тойже.
Канон праздника, со ирмосом на 6, и преподобныя
на 4, и священномученика на 4.
Канон праздника, глас 2.
Песнь 1
Ирмос: Грядите, людие,/ пойм песнь Христу Богу,/
раздельшему море и наставльшему люди,/ яже изведе
из работы египетский,// яко прославися.