|
|||
14-й день
|
423
|
||
|
|||
Священный воста рог/ и глава всем богомудрым,
Крест,/ ймже грешных мысленно стираются рози вси;/ тем, ныне возносйму,/ покланяющеся ему, Тя величаем. Другйй припев: Величай, душе моя,/ животворящаго
Креста Господня воздвижение. И ирмос: Снедию древа: И другйй лик подобие, припев и ирмос. Тропари же
на 6 с сймже припевом. Ин
Ирмос: Снедию древа роду прибывшая смерть/
Крестом упразднйся днесь,/ ибо праматерняя всеродная клятва разрушйся/ Прозябением Чйстыя Богоматере,// Юже вся Силы Небесныя величают, Горести убййственныя, яже от древа, не оставив,
Господи,/ Крестом бо сию совершенно истребил еси./ Сего ради и древом услади иногда горесть вод Мерры:/ прообразующее Креста действо,/ еже вся Силы Небесныя величают. Непрестанно гружаемыя мраком праотца, Господи,/
Крестом возвысил еси днесь,/ яко бо лестию весьма неудержанно естество преднизведеся,/ всеродне ны паки исправи свет Креста Твоего,/ егбже, вернии, величаем. Да образ покажеши миру покланяемый, Господи,
Креста,/ во всех яко преславный, на небесех изобразил еси,/ светом безмерным озарен,/ царю всеоружие непо- бедимое./ Тем Тя вся Силы Небесныя величают. Катавасия: Тайн еси, Богородице, рай: Другйй:
Снедию древа: С припевы. И поклон. Светилен.
Подобен: Учеником:
Крест хранитель всея вселенныя,/ Крест красота
Церкве,/ Крест царей держава,/ Крест верных утверж- дение,/ Крест Ангелов слава и демонов язва. Дважды. Слава, и ныне:
Подобен: Жены, услышите:
Крест воздвизается днесь, и мир освящается:/ Иже
бо со Отцем седяй и Духом Святым/ на сем руце рас- простре,/ мир весь привлече к Твоему, Христе, по- знанию;/ йже убо на Тя надеющияся/ божественный сподоби славы. |
|||
|
|||