850
Месяц сентябрь
Богородичен: Пречистая Владычице, рождшая зем-
ным Кбрмчию и Господа,/ похотем ми злолютым устрой
смущение/ и тишину подаждь сердцу моему.
Кондак, глас 1.
Подобен: Лик ангельский:
С лики ангельскими предстоя, блаженне княже
Вячеславе,/ наслаждаешися Божественный и неиз-
реченныя доброты,/ и, оттуду благодетельныя дары
почерп чудес,/ всем притекающим верою под твою
святыню/' источавши цельбам дарование.
Песнь 7
Ирмос: Росодательну убо пещь/ со дела Ангел/ пре-
подобным отроком,/ халдеи же опаляющее/ веление
Ббжие мучителя увеща вопйти:// благословен еси, Боже
отец наших.
Старый злодей завйде святому твоему житию/ и на-
ущает на убиение безумнаго ти собрата./ Ты же чистою
совестию немолчно Творцу своему вопияше:/ благосло-
вен Бог отец наших.
Весело ликует Прага днесь, преславный ти град,
почитая память твою,/ и, чудесы твоими озаряя светло,
вся страны созывает вопйти:/ благословен Бог отец
наших.
Лестию прелукаваго древ л е очервлена бысть земля
твоя братоубийственною рукою;/ ныне же, кровию ти
окропйвшися, благоухания жертву Христбви прино-
шает, вопиющи:/ благословен Бог отец наших.
Богородичен: Тобою нам, Девице, свет возсия, тем-
ным,/ Ты бо родила еси Зиждителя всем и Бога,/ у
Негоже проси, Пречистая, присно посылати нам, вер-
ным, велию милость.
Песнь 8
Ирмос: Из пламене преподобным росу источил еси/
и праведнаго жертву водою попалил еси:/ вся бо тво-
рйши, Христе, токмо еже хотети.Ц Тя превозносим во
вся веки.
Веселия добротами нас озарявши, преславне,/ паче
солнца в земли Богемстей благодатными зарями свыше
освящен,/ превозношая Христа во веки.