86
Месяц сентябрь
Люббвию и надеждею вооружйвся и верно огражден,/
разорил еси хитрости и коварства вражия/ и, победи-
тель быв, ныне венценосец живеши/ с Божественными
лики Ангел и преподобных окрест Престола Всецаря.
Целомудренно и праведно и благочестиво на земли
с человеки пожйвше,/ на Небесех сияете, богомудрии
постницы, со безплбтных чйнми,/ Зарею питающеся
Богоначальною,/ от Неяже и подвигов праведно венцы,
яко победоносцы, прияете.
Богорбдичен: Божественная и богомудрая и священ-
ная двоице отцев пресветлая,/ вашими мольбами
миру мир от Бога низпослатися просите/ и Церквам
истинно единоумие и веру,/ молитвами благоприят-
ными Богородицы, преблаженнии.
Светилен.
Подобен: Учеником:
Лик приведи днесь летный весь, Никомидййский,
радуяся, граде,/ добраго пастыря твоего, и взыграй, на-
зирателя имеяй, соблюдающа тя,/ вреда враг выпила.
Богорбдичен: Со апостолы моли, Богородице, Твоего
Сына и Господа/ помйловатися всем поющим Тя, и
славящим,/ и во иконах Тя чествующим, и покланяю-
щимся достойно,/ и люббвию облобызающим.
На стиховне Октоиха.
Слава, глас 4. Самогласен. Ефрема Карййскаго:
Никомидййскому великограду/ всяк град и страна
спразднует днесь/ в память честнаго его гражданина,/
ибо концы земнйи плещут,/ веселящеся нынешним
торжеством священномученика./ Сему и мы, песньми,
яко цветы, венцы сплетше, возопийм:/ радуйся, па-
стырю добрый, йже душу положйвый за овцы,/ жертва
и жрец, иерей и овча./ Тебе молимся:/ с пострадав-
шими с тобою Христа, Анфйме, моли/ стадо твое сие от
иноплеменных волков избавити/^ и Небесныя ограды
с тобою сподббитися.
И ныне, Богорбдичен или Крестобогорбдичен.
Подобен: Яко добля:
Распинаема Христа Человеколюбца/ вйдящи Пречи-
стая/ и ребра ископаваема копием,/ плачущи, вопияше:
что сие, Сыне Мой?/ Что Тебе неблагодарнии людие