870
Месяц сентябрь
Степенна, 1-й антифон 4-го гласа. Прокимен, глас 4:
Честна пред Господему/ смерть преподобных Его.
Стих: Что воздам Господеви о всех, яже воздаде ми?
Всякое дыхание: Евангелие от Иоанна, зачало 36.
По 50-м псалме стихира, глас 6: Духу Божественному:
зри славник вечерний, на стиховне. Или йна стихира,
глас 3: Свидетеля истины: зри славник на Господи,
воззвах:
Канон Богородицы со ирмосом на 6, глас 8,
и святаго на 8, глас 6.
Песнь 1
Ирмос: Яко по суху, пешешествовав Израиль/ по
бездне стопами,/ гонителя фараона/ видя потопляема:/
Богу// победную песнь пойм, вопияше.
Яко Божий иерарх и служитель,/ Вышняго Престолу
с лики святых на Небесй предстоя,/ молйся о нас,
служащих богодухновенными песньми,/ предстати с
тобою, идеже веселие праведных.
Яко избран Гбсподеви во служение славы Его на дело
Евангелия Христова,/ о собранных нас в памяти твоей,
святителю Михаиле, молйся,/ да поработаем в запове-
дех Евангельских и приймем мзду веселия преподобных.
Яко света, на свещнице стоящи,/ светом ты благих
деяний просиял еси далече,/ яко и невернии людие
твоим, отче, наставлением узреша свет боговидения,/
и радуется страна, тобою просвещенна.
Богородичен: Яко Истинный Свет от ложесн Своих
явившая миру,/ нас, во тьме страстей ходящих, про-
свети и настави на путь,/ Путь порождшая роду христи-
анскому, Марйе Богоневесто.
Песнь 3
Ирмос: Несть свят,/ якоже Ты, Господи Боже мой,/
вознесый рог верных Твоих, Блаже,/ и утвердйвый нас
на камени// исповедания Твоего.
Не бе вера всаждена в России, ни благочестие вко-
ренено,/ дондеже ты, святителю Михаиле, аки премудр
делатель,/ лядину* многобожия истребив, углубил еси
богоразумия твердое исповедание.
* Лядину ? невозделанное место, покрытое кустарником и травою.